LU QU’HA PASÁU

Parti de los últimus mesis

· EL REBOLLAL, sábadu 20 d’eneru de 2007. En angunus pueblus d’EL REBOLLAL, polu menus en PEÑAPARDA y en ROBREA, se celebró la fiesta de San Sebastián (unu de los Santus del Gorru) con el Capazu o Luminaria.

El tamborileru de Peñaparda tocandu ena Luminaria

· ROBREA, metá d’eneru de 2007. Angunas presonas de ROBREA (en un númeru de 3 a 7, sigún el periódicu) se pusun malas pol mé de la carni d’un jabalín con el andanciu de la “triquinosis”. Sigún El Adelanto, ena montería (anguna genti idi que jué el 9 de diciembri) se cazarun 6 jabalinis n’El Jaqui nel mes de diciembri. En drentru d’esus 6 jabalinis estaría el que tenía la triqunosis.

· ESTREMAÚRA, domingu 14 d’eneru de 2007. El programa “El lince con botas”, de la Teli d’Estremaúra, saca un reportaji alreol del panderu cuadráu nel que salin l’Andrea de comerciu jadiendu el panderu y la Tia Gora tocándulu.

· EL REBOLLAL, viernis 5 d’eneru de 2007. Los Reyis Magus pasan pola nuestra tierra dejandu regalus a los dagalis. En angunus pueblus se jidun cabalgatas pa dalis la bienvenía.

Los Reyis tamién vinun por El Rebollal (afotus de los Reyis en Peñparda)

· PEÑAPARDA,juevis 4 d’eneru de 2007. La Tia Gora “del real”, de PEÑAPARDA, jadi 102 añus. La Gaceta de Salamanca le jidu un reportaji el día 14 d’eneru.

Do afotus de la Tia Gora el día del su 102 cumpreañus

· CIARRODRIGU. Sábadu, 15 de diciembri de 2006. Ángel Iglesias Ovejero, nacíu en ROBREA, da la su chalra d’entrá nel C.E.M. (Centru d’Estudius Mirobriguensis). La chalra, en la qu’estuvun alreol de 50 presonas, jué alreol de “Blasones populares del antiguo partido de Ciudad Rodrigo”. Ángel Iglesias tuvu la compaña de angunus paisanus d’EL REBOLLAL. Dispués de la chalra, se jidu una cena en Sanjuaneju en la que estuvu, además de la genti d’EL REBOLLAL y otrus amigus, Felicianu Sierro Malmierca, miembru del C.E.M. que murió a primerus d’eneru.

Momentu de la chalra d’Ángel Iglesias. A la derecha del tó, J. R. Cid, investigaol y tamborileru de Ciarrodrigu

· ROBREA, sábadu, 24 de noviembri de 2006. Las lluvias del 24 de noviembri jidun que el Ollerus, a su pasu pola carretera de Saúgu, se saliesi y tapasi la carretera. Tamién el regatu que pasa pol metá el lugal creció y partió al pueblu en dos cachus. La praza del pinu queó llenita d’agua.

GOLVEL