TONÁS D’EL
REBOLLAL
Viva
el humol
Hoigañu, cuandu los mozus salin de fiesta, salin polas tabernas y las
discotecas. Peru antañu salían
de ronda polas callis en grupus y a rondal a las mozas. Y pa esas rondas, comu pa tó lo que se jadía antañu, había unus sonis que se cantaban. Hogañu áina ya no se oyin cantaris de ronda, ná más a los mayoris cuandu se juntan en anguna
fiesta. “Viva el humol” es unu
d’esus cantaris de ronda antigus. El que aquí pongu jué arrecogíu a Benita Mateos Sánchez (1911 – 1992) ena
primera metá de los añus
80. Nel discu “El pandero
cuadrado de Peñaparda” (2002) vieni otra versión, con
el nombri de “Viva el honor”, tocá
al panderu cuadráu comu corríu y brincáu.
Anque la nuestra genti, al
cantal, “castellanizaba” los sonis, entovía se puedi vel la palra en angunas palabras (dal, humol, cuorte, mejol).
Si me quieres dal la muerte
viva el humol
cuchillo te daré yo,
ay leré, ay leré, ay leré.
Y afilado con mi sangre,
viva el humol,
para que cuorte mejol,
ay leré, ay leré, ay leré.
Y esta callita a la larga,
viva el humol,
ya no rondan chavales,
ay leré, ay leré, ay leré.
Que la rondan güenos mozos,
viva el humol,
con cuchillos y puñales,
ay leré, ay leré, ay leré.